النهارده جبت لكم اكله جربتها و عجبتني جدا جدا و عجبت الضيوف في المره اللي بعدها زي المندي تمام يلا نشوفها
المقادير
دجاجه مقطعة
بهارات - فلفل اسود - ملح - ورق غار - قرفه خشب حسب الرغبه
جزرة مبشوره - بصل شرايح
ارز بسمتي مغسول و منقوع
زيت للطهي - بعض الزبيب
الطريقه
نغسل الفرخة كويس جدا و نضعها في الزيت السخن الي ان تتحمر طبعا بدون سلق و بعد التحمير زي الصوره
نرفعها من علي النار و نحطها في طبق وحدها
و في نفس الزيت ممكن نقلل الكميه لو كانت كتيره ننزل بالبصل الشرايح الي ان يصفر شويه ننزل عليه بالجزر المبشور و معلقه سكر صغيره
الي ان يتغير لون الجزر مع البصل ننزل بالارز البسمتي المنقوع في نفس الوعاء او الصينيه و نضع الفرخة علي وش الرز عشان تكمل طهي و نضع كميه مياة مناسبه للطهي و الفلفل الاسود و الملح و ورق اللوري او الغار عشان الفراخ تكتسب طعم و نسيبها علي النار لمده نصف ساعه طبعا لما المياه بتقل بنخفض النار شويه يعني نار هاديه
و نجيب صينيه صغيره ننزل فيها بشويه جزر مبشور علي شويه زيت خفيف للتشويح و انزل بعليهم بالزبيب لمده دقيقه بس و اخد الزبيب مع الجزر اضيفهم علي الفراخ و الارز و اغطي الحلة او الصينيه كويس جدا بالفويل او ورق الالومنيوم و احط عليها الغطاء بحيث ما يخرجش منها اي بخار و احطها علي نار هاديه ربع ساعه كمان و بعدها افتح و اقوم بالغرف و بالهنا و الشفا
يارب تعجبكم
0 تعليقات