ورقة اللحمة ولا ألذ،،

 يلا ندخل في الموضوع علي طول  و اقولكم علي المقادير و الطريقة  ايه رأيكم 

المقادير:

كيلو لحمة موزة أو بتلو او ستيك بقرى

3بصلة مقطعة شرائح

3 حبه طماطم مقطعة

فلفل أسود بابريكا وجوزة الطيب وبهارات لحم 

فلفل  ألوان مقطع  شرائح  

3 جزرات مقطعين شرائح  و مكعبات 

3 ثمرة بطاطس مقطعة مكعبات كبيرة الحجم لان البطاطس بتستوي سريعا نكبرها او لو كانت البطاطس صغيره نحطها صحيحة بدون تقطيع 

6 فصوص ثوم  

ومعلقة خل وعصرة ليمون و2معلقة زيت

معلقه صلصه او كاتشب حسب الرغب 

ممكن نزود بصل اخضر حسب الرغبه 

والخضار كمان حسب الرغبه ممكن نستعمل البسلة او الكوسه زي ما تحبي الخضار المفضل لاسرتك

الطريقه

 صينيه فيها زبده علي النار ونعطي  اللحمة  تشويحه فى زبدة على النار و تبليها بالملح و الفلفل و خليها تاخد لون بنى ارفعيها من علي   النار و خلي الصينيه زي ما هي   ومكانها الخضار كله حطى عليهم بقى ملح و فلفل و بهارات لحمة بابريكا و جوزة الطيب ومعلقة خل وعصرة ليمون معلقه صلصه او كاتشب  زي ما تحبي ومعلقة زيت قلبيهم فى بعض ونشوحهم مكان اللحمه ونحيب  صينيه  نفرد  فيها  ورق المونيوم و حطى على الفويل ورق زبدة  و بعدين حطى على ورق الزبدة الخضار بتاعنا وعلي الوش اللحمه و اقفلى عليها بقى ورق الزبدة و الورق الفويل كويس اوى علشان ميسربش البخارثم دخليها الفرن  180  درجة لمدة ساعه وربع وبعد ماتستوي  و تحسي انها تمام  ولعى عليها الشوايه شويه صغيرين  تاخد لون  بس

 بالهنااااا